STORE

متابعينا الكرام! قبل فتره نشرنا إستفتاء طرحنا فيه أكثر من تصميم لتيشيرتات لدعم البودكاست ولأننا محظوظين بكم حصلنا على عدد كبير من التفاعل والمشاركات للفكرة دعم البودكاست فشكرًا لكم جميعًا. بعد مادرسنا الخيارات المتوفره لنا قررنا توفير التيشيرتات على موقع RedBubble كأفضل حل يرضي الجميع بناءً على نتائج الإستفتاء. في هذا البوست راح نجاوب على بعض الإسئلة ونوضح ليش إخترنا نوفر التيشيرتات بهاذي الطريقه.

 cover

  • ليش توفير التيشيرتات على RedBubble مقارنة بطباعتها داخل السعودية زي ماذكرتم فالإستفتاء؟.

    • النتائج فالإستفتاء للخيار هذا كانت متقاربة ورغم إن خيار توفيرها محليًا قد يكون بديهي لكن قررنا نوفرها على مزود خارجي لعده أسباب الأساسي منها إرتفاع تكلفة التيشيرت الواحد كطباعة وشحن. النتائج فالإستفتاء تشير إن عدد كبير من الأشخاص موجود خارج جدة، مكة والسعودية تمامًا فبعد دراسه تكلفه الطباعه داخليًا ودراسه خدمات الشحن توصلنا إن تكلفة التيشيرت الواحد مع الشحن تصل لـ ٢٠٠-٢٥٠ ريال مقارنة بإستخدام Shop&Ship أو خدمات شحن أخرى تصل تكلفة التيشيرت الواحد تتراوح بين ١٣٠ – ١٥٠ ريال مع الشحن لمواقع عديده فالسعودية وخارجها. سبب آخر هوَ كثره خيارات RedBubble من ناحية الألوان والمنتجات وجودتهم الأعلى بمراحل من خياراتنا الأخرى خلاهم خيار منطقي.

 

  • كيف أقدر أطلب من الموقع للسعودية؟.

    • لحسن الحظ موقع RB سهل الإسخدام ويوفروا دعم فني هنا للطلب منهم. بالنسبة للتوصيل فيه العديد من الشركات اللي توفر بريد أمريكي لعملائهم بخدمات مختلفه مثل تجميع الشحنات وسرعة الشحن اللي إسخدمناهم شخصيًا هم Shop&Ship من أراميكس و MyUS، المشكلة هيَ إن Redbubble للأسف الشديد مايجمع الشحنات فبعضها يشحن قبل الأخر عشان كذا ننصح بـ MyUS لكن فيه مجتمع كبير للطلب من النت وأكثرهم أعلم مننا بمراحل أكبرهم هو قسم التجارة الإلكترونية في adslgate اللي يقدموا عروض لهاذي الخدمات وشرح مفصل للطلب عن طريقها.

 

  • ليش تيشيرت ون بنش مان بس موجود على تيشيرت أبيض؟

    • مقارنة بالتصاميم الملونه هذا التصميم مايظبط إلا على تيشيرت أبيض ورمادي

 

  • كيف أعرف مقاسي؟.

    • روح هنا و RedBubble حيزبطك.

 

  • طيب لو طلبت ومقاسي كان غلط؟.

    • ماهي مشكلة! تقدر تتواصل مع RedBubble وتشوف إيش الخيارات اللي يقدروا يوفرها لك هنا.

 

  • أسئلتكم غبية، أنا عندي سؤال حقيقي أكلم مين؟.

    • الرسائل الخاصه على تويتر في حسابنا الرسمي مفتوحه للجميع وتقدر تتواصل معانا وراح نحاول نساعدك في أقرب وقت ممكن.

 

شكرًا للجميع، عندنا خطط كثير للمستقبل لكن نبغى ناخذها خطوة بخطوة عشان نتعلم ومانستغلكم كداعمين. نقدر جميع المهتمين والداعمين للبودكاست حتى اللي مايقدروا يدعمونا ماديًا، الهدف من التيشيرتات هوَ دعمنا ماديًا مقابل تيشيرتات. نحنا نحصل على دعم، إنتم تحصلوا على تيشيرت كلنا فرحانين!. 

تقدروا تلاقوا متجرنا على RB هنا.